Jesús Magallais Rodríguez, en representación da sociedade J y S, S.C., solicitou licenza municipal para proceder á instalación, apertura e posta en funcionamento de nave para cebadeiro de porcino, que se instalará na parcela nº 26 do polígono 1 da concentración parcelaria da zona de Rioseco. De conformidade co establecido no número 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, ábrese un trámite de información pública por un período de veinte días, mediante anuncio no BOP de Ourense, no DOG e no taboleiro de edictos do concello, co fin de que durante este poidan examinar o expediente na secretaría municipal todos aqueles interesados que se consideren afectados pola actividade que se pretende instalar e formular por escrito as reclamacións ou observacións que xulguen oportunas.

Calvos de Randín, 22 de maio de 2009.

Aquilino Valencia Salgado

Alcalde-presidente