Visto o expediente para o outorgamento de autorización administrativa e a aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: recuamento C.T. Terraza e canalizacións r/ da Ponte e avda. da Mariña.
Situación: concello de Sada.
Características técnicas: liña eléctrica de media tensión subterránea, a 15/20 kV, cunha lonxitude de 48 m, con orixe e final en empalmes que se realizarán na L.M.T.S., PED-704, tramo entre C.T. Linares Rivas, 29-31, e o C.T. Praciña do Conde, nº 3, condutor tipo R.H.Z.1 12/20 kV 3 (1×240) Al.
Centro de transformación prefabricado, cunha potencia de 630 kVA e relación de transformación de 15.000/400-230 V.
Rede de baixa tensión subterránea con orixe no C.T. Terraza proxectado de 83 m de lonxitude e en condutor X.Z.1. Concello de Sada.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, este departamento territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 15 de maio de 2009.
José Luis Suárez Cerviño
Xefe territorial da Coruña