A Xerencia Xeral do Complexo Hospitalario de Ourense, de conformidade co establecido no artigo 67 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, ao abeiro dos principios recollidos na norma xeral décimo cuarta do Pacto de selección temporal de persoal estatutario nas institucións sanitarias do Servicio Gallego de Salud, en virtude das competencias atribuídas polo Decreto 46/2006, do 23 de febreiro, polo que se estalece a estrutura orgánica do Servizo Galego de Saúde, do establecido na Orde do 8 de maio de 2006, sobre delegación de competencias en órganos centrais e periféricos do Servizo Galego de Saúde, e na Orde do 5 de maio de 2009, pola que se atribúen competencias aos órganos do Servizo Galego de Saúde creados no Decreto 83/2009, do 21 de abril, polo que se fixa a estrutura orgánica dos departamentos da Xunta de Galicia, resolve proceder ao anuncio da convocatoria para a vinculación temporal interina do seguinte

persoal:

-2 facultativos especialistas de aparello dixestivo.

-2 facultativos especialistas de endocrinoloxía e nutrición.

-1 facultativo especialista de medicina interna.

-1 facultativo especialista de radiodiagnóstico.

A mencionada convocatoria estará exposta nos taboleiros de anuncios do centro hospitalario.

O prazo de presentación de solicitudes será de quince días naturais contados desde o seguinte ao da publicación desta convocatoria no Diario Oficial de Galicia. As solicitudes, que deberán dirixirse á Xerencia Xeral do Complexo Hospitalario de Ourense rúa Ramón Puga, 52-54, 32005 Ourense, poderán ser presentadas a través de calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Ourense, 19 de maio de 2009.

José Luis Jiménez Martínez

Xerente xeral do Complexo Hospitalario

de Ourense