Por Resolución do 6 de marzo de 2009 (DOG do 12 de marzo) anunciouse, polo sistema de concurso público, procedemento aberto e tramitación ordinaria, a contratación dunha póliza de responsabilidade civil e de accidentes corporais para dar cobertura á actividade levada a cabo polo alumnado de formación profesional na realización de prácticas en empresas.
Cumpridos os trámites que en materia de contratación prevé a vixente Lei de contratos do sector público, así como os requisitos establecidos no prego de cláusulas administrativas particulares e demais lexislación vixente, e con base na proposta formulada pola mesa de contratación reunida o día 7 de abril de 2009,
RESOLVO:
Adxudicar o concurso convocado pola Resolución do 6 de marzo de 2009 a:
Allianz, Compañía de Seguros y Reaseguros, S.A., CIF: A28007748.
Importe: 119.704,58 .
Santiago de Compostela, 29 de abril de 2009.
P.D. (Orde 26-8-2005)
José Luis Vázquez Fernández
Secretario xeral da Consellería de Educación
e Ordenación Universitaria