Para os efectos previstos na Lei 54/1997, do 27 de novembro, e no Real decreto 1955/2000, do 1 de decembro, sobre autorización de instalacións de enerxía eléctrica, sométese a información pública a petición de autorización administrativa e de aprobación do proxecto de execución da seguinte instalación eléctrica:

Solicitante: Gumersindo Prado Fernández y Otros, S.C., G32166829.

Domicilio social: Porto, s/n, 32705 Vilar de Barrio (Ourense).

Título: instalación solar fotovoltaica de 50 kW. Conexión a rede. Centro de transformación.

Situación: Touza dos Bidos-Vilar de Barrio; ref. catastral: Pol. 500, parcelas 50-51. Sobre cuberta de explotación avícola.

Características técnicas:

-Instalación solar fotovoltaica de 50 kW de potencia nominal (59,70 kWp), con 500 módulos Kaneka-K60 de 60 Wp/u e 180 módulos Solarworld-SW165mono de 165 Wp/u; 10 inversores de 5 kW de potencia nominal por unidade, modelo Fronius IG-60 HV; equipamentos de protección e medida en baixa tensión.

-Centro de transformación de 100 kVA e R/T 0,230/20 kV.

-Liña subterránea a 20 kV, con condutor R.H.Z.1 12/20 de sección 3×(1×150 mm2), con orixe no C.T. proxectado e final no centro de seccionamento, tamén proxectado, para evacuación da produción á compañía distribuidora.

Todas aquelas persoas ou entidades que se consideren afectadas poderán examinar o expediente e presentar as súas alegacións dirixidas a este organismo, no prazo de vinte días a partir da súa publicación.

Ourense, 3 de xuño de 2009.

Gabriel Diéguez Domínguez

Xefe territorial de Ourense