Juan Rey Pita, secretario do Xulgado do Social nº 3 da Coruña, dou fe e certifico que neste xulgado se seguen autos nº 125/2009, por instancia de Helena Brage Porral e outros, contra Consultores Edificación e Industria, S.L., sobre despedimento, en que recaeu sentenza en data 12 de maio de 2009 que, copiada nos particulares necesarios, di así:
«Que, estimando a demanda formulada por Helena Brage Porral, Beatriz Matos Varela e Borja Garea Otero, declaro a improcedencia do seu despedimento e, ao estar a empresa pechada e sen posibilidade de readmisión, declaro a extinción dos seus contratos de traballo na data da presente resolución, condenando a empresa Consultores Edificación e Industria, S.L. a indemnizalos coas cantidades seguintes:
Indemnización Salarios
Helena Brage Porral 8.854,50 10.237,50
Beatriz Matos Varela 41.387,50 7.009,37
Borja Garea Otero 12.565,99 6.425,29
A demandada poderá descontar dos salarios de tramitación as cantidades percibidas polas demandantes no seu novo traballo, logo de acreditación.
Notifíquese a presente resolución ás partes facéndolles saber que contra ela cabe interpoñer recurso de suplicación ante o Tribunal Superior de Xustiza de Galicia, Sala do Social, debendo anunciaro previamente ante este Xulgado do Social no prazo de cinco días hábiles a partir do día seguinte ao da súa notificación.
Prevense á empresa demandada de que, para recorrer, deberá acreditar o ingreso na c/c de consignacións, código 1533 0000 60 125 09, de Banesto (0030) desta cidade, denominada Conta do Xulgado do Social número tres, o importe da condena e 150,25 euros en concepto de depósito, requisitos sen os cales non será admitido a trámite o recurso quedando firme a sentenza.
Así, por esta miña sentenza, da que se unirá certificación aos autos orixinais para a súa notificación e cumprimento, xulgando pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Consultores Edificación e Industria, S.L., expido e asino esta cédula o 15 de maio de 2009.
Juan Rey Pita
Secretario xudicial