Eu, María Jesús Hernando Arenas, secretaria xudicial do Xulgado do Social número dous da Coruña, dou fe e testemuño de que en autos seguidos ante este xulgado do social, tramitados baixo o número 1111/2008 por instancia de José Bermúdez Varela contra a empresa Candaira Coruña IVR, S.L., sobre despedimento, se ditou a seguinte sentenza:

«Na cidade da Coruña, 16 de abril de 2009. Beatriz Seijo Dopico, xuíza substituta do Social número dous desta cidade, viu estes autos de xuízo número 1111/2008, seguidos por instancia de José Bermúdez Varela, con DNI 76364667-K, e asistido polo letrado sr. Fraguela Solloso, contra a empresa Candaira Coruña IVR, S.L. en situación de rebeldía, sendo o obxecto da reclamación, despedimento.

Seguen feitos e fundamentos de dereito.

Decido que debo estimar e estimo integramente a demanda interposta por José Bermúdez Varela, con DNI 76364667-K, contra Candaira Coruña IVR, S.L., cualifico como improcedente o despedimento do 31 de outubro de 2008, e condeno a demandada a se ater a devandita declaración e a que, no prazo de cinco días desde a notificación da sentenza, opte entre a readmisión do demandante ou o aboamento do demandante da cantidade de 4.297,8 euros; ademais, calquera que sexa o sentido da opción, a demandada terá que lle aboar ao demandante unha cantidade igual á suma dos salarios deixados de percibir a razón de 71,63 euros/día, desde a data do despedimento ata a notificación desta resolución. De non optar expresamente, enténdese que o fai pola readmisión.

Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, que se anunciará ante este xulgado no prazo de cinco días contado a partir da notificación desta sentenza e, no propio termo, se o recorrente non goza do beneficio da xustiza gratuíta deberá, ao anuncialo, entregar o xustificante acreditativo de consignación da cantidade obxecto da condena na conta de Depósitos e consignacións que este xulgado ten aberta no Banesto desta cidade, co número de conta 0030-6349-0000-1532-60-1111/08.

E así mesmo deberá, no momento de interpor o recurso, consignar a cantidade de 150,25 euros en concepto de depósito na conta 0030-6349-0000-1532-65-1111/08.

Así, por esta miña sentenza, definitivamente xulgando en primeira instancia, pronúncioo, mándoo e asínoo».

E para que sirva de notificación a Candaira Coruña IVR, S.L., que ten o seu enderezo descoñecido, mediante a súa publicación no Diario Oficial de Galicia, e coa advertencia de que as seguintes notificacións se farán nos estrados do xulgado, agás as que sexan emprazamentos, autos e sentenzas, expido e asino esta cédula de notificación na Coruña, 22 de maio de 2009.

María Jesús Hernando Arenas

Secretaria xudicial