En virtude do acordado polo maxistrado xuíz do Xulgado de Primeira Instancia número dez da Coruña e o seu partido, en resolución desta data, dimanante dos autos de divorcio contencioso número 328/2008, seguidos por instancia de Manuel López Álvarez, representado polo procurador Juan A. Garrido Pardo contra Rosemari Hardt, ditouse sentenza cuxo encabezamento e decisión din como segue:
«A Coruña, dezaseis de decembro de 2008.
Vistos por Eduardo Fernández Cid Tremoya, maxistrado xuíz do Xulgado de Primeira Instancia número dez da Coruña e o seu partido, estes autos de divorcio contencioso seguidos neste xulgado co número 328/2008 por instancia de Manuel López Álvarez, representado polo procurador Juan A. Garrido Pardo e defendido polo letrado Félix M. Jiménez Mosquera, sendo parte demandada Rosemari Hardt, declarada en situación de rebeldía procesual.
Decido, que estimando a demanda interposta polo procurador Juan A. Garrido Pardo, en nome e representación de Manuel López Álvarez, contra Rosemari Hardt, declarada en situación de rebeldía procesual, debo declarar e declaro a disolución por divorcio do matrimonio constituído por Manuel López Álvarez e Rosemari Hardt, celebrado na Coruña o 26 de xullo de 2005, con todos os efectos legais inherentes a tal pronunciamento e debo acordar e acordo as seguintes medidas:
1. Atribuírlle o uso da vivenda conxugal (sita en Cambre) ao esposo.
2. Non procede fixar ningunha cantidade en concepto de pensión compensatoria nin alimentos.
3. Declarar a disolución do réxime legal de gananciais existente entre os cónxuxes.
Cada parte pagará as súas custas procesuais e serán as comúns pola metade.
Contra esta sentenza cabe interpor recurso de apelación no prazo de cinco (5) días contados desde o día seguinte á notificación daquela (artigo 457 da LAC), que se preparará ante este mesmo xulgado, tendo en conta que, de conformidade co que determina o art. 774.5ª da LAC, os recursos que, conforme a lei, se interpoñan contra a sentenza non suspenderán a eficacia das medidas que se acordasen nesta; se a impugnación afectase unicamente os pronunciamentos sobre medidas, declararase a firmeza do pronunciamento sobre a nulidade, separación ou divorcio.
Firme que sexa esta resolución, comuníqueselle ao Rexistro Civil correspondente, para os efectos de practicar as anotacións pertinentes».
E para que conste e lle sirva de cédula de notificación en forma a Rosemari Hardt, na actualidade con domicilio descoñecido, expido esta, que asino na Coruña o vinte e dous de maio de dous mil nove.
Carmen García Pedreira
Secretaria xudicial