En virtude do establecido no artigo 15 dos estatutos do Consorcio Galego de Servizos de Igualdade e Benestar (DOG nº 131, do 7 de xullo de 2006) por proposta da presidenta, o Comité Directivo do Consorcio adoptou, na sesión do 5 de xuño de 2009, o acordo de cesamento de Lois Pérez Castrillo e de nomeamento de Roberto Rodríguez Martínez como xerente do consorcio.
Para os efectos do seu xeral coñecemento e de conformidade coas facultades que teño conferidas
RESOLVO:
Único.-Publicar o nomeamento de Roberto Rodríguez Martínez como xerente do Consorcio Galego de Igualdade e Benestar, con efectos desde o día 10 de xuño de 2009, acordado polo Comité Directivo do Consorcio na sesión do 5 de xuño de 2009.
Santiago de Compostela, 8 de xuño de 2009.
Beatriz Mato Otero
Presidenta do Consorcio Galego de Servizos
de Igualdade e Benestar