Rivera Bus, S.L. solicitou licenza municipal para a instalación dun garaxe-taller no polígono industrial da Uceira, parcela C-2, deste termo municipal. Cumprindo o disposto no artigo 8, punto 3º, do Decreto 133/2008, do 12 de xuño, de avaliación da incidencia ambiental, sométese a información pública, polo período de vinte días hábiles, co fin que durante este período, que comezará a contarse desde o día seguinte ao da última publicación deste edicto no BOP e no DOG, poidan examinar o expediente, nas oficinas municipais deste concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que se consideren oportunas.

O Carballiño, 11 de maio de 2009.

O alcalde

Rubricado