No Xulgado do Contencioso-Administrativo número dous de Vigo tramítase o recurso 172/2009 (procedemento abreviado), interposto por Silvia Méndez Lombán, contra a desestimación do recurso de alzada interposto pola recorrente contra as listas definitivas de persoas aspirantes a vinculacións temporais nas institucións sanitarias do Servizo Galego de Saúde (categoría de técnica especialista en anatomía patolóxica, área de Burela).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 3 de xuño de 2009.

Esperanza Fernández Lago

Directora de Recursos Humanos