Cumpridos os trámites previstos na Lei 48/2003, do 26 de novembro, de réxime económico e de prestación de servizos dos portos de interese xeral, aplicable en defecto de lexislación autonómica propia e nas demais normas de procedente aplicación, acordouse, en virtude das atribucións delegadas pola orde da Consellería de Política Territorial, Obras Públicas e Vivenda, actual Consellería de Política Territorial, Obras Públicas e Transportes, do 29 de xaneiro de 1996, outorgar por resolucións que poñen fin á vía administrativa as seguintes concesións en dominio público portuario, con suxeición ás condicións estipuladas nos pregos de condicións correspondentes:

Resolución: 13-4-2009.

Obxecto: modificación da concesión administrativa outorgada pola Orde ministerial do 25 de febreiro de 1932, co fin de executar obras de adecuación dos baixos do edificio e regularización de superficies e uso como edificio destinado ás dependencias da Confraría de Pescadores de Celeiro.

Porto: Celeiro.

Concesionario: Confraría de Pescadores de Celeiro.

Prazo: ata o 15 de decembro de 2022.

Resolución: 5-5-2009.

Obxecto: cambio de titularidade da concesión administrativa destinada á construción dunha planta frigorífica e conxelación de peixe.

Porto: Sada.

Anterior titular: Industrias Fontán, S.L.

Actual concesionario: Iris Cruña, S.L.

Prazo: ata o 10 de abril de 2017.

Resolución: 11-5-2009.

Obxecto: ocupación de terreos de dominio público portuario con destino á legalización dunha marquesiña.

Porto: Pontedeume.

Concesionario: Concello de Pontedeume

Prazo: ata o 13 de maio de 2024.

Contra os citados actos administrativos que esgotan a vía administrativa, cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ao da publicación da resolución pola que se fai público o outorgamento.

Non obstante, os interesados poderán interpor contra esta resolución recurso de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 20 de maio de 2009

José Manuel Álvarez-Campana Gallo

Presidente