Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: modificado L.M.T.S., C.T.C. Oroso Pequeno.

Situación: Oroso.

Características técnicas: liña eléctrica de media tensión subterránea a 20 kV, cunha lonxitude de 1.145 m (polígono) e 191 m (soterramento), con orixe na L.M.T.S. Parque Empresarial Sigüeiro, entre o paso aerosubterráneo e o C.T. Vegonsa, condutor tipo R.H.Z.1-12/20 kV 3 (1×240) Al, e final na L.M.T.S. Parque Empresarial Sigüeiro entre o paso aerosubterráneo e o C.S. Televés.

Centro de transformación prefabricado, cunha potencia de 400 kVA e relación de transformación de 20.000/400-230 V. Concello de Oroso.

Todas aquelas persoas ou entidades que se consideren afectadas poderán examinar o expediente e presentar as súas alegacións neste departamento territorial, situado no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 14 de maio de 2009.

José Luis Suárez Cerviño

Xefe territorial da Coruña