Visto o texto do acordo de adhesión da Fundación Deporte Galego ao Convenio colectivo único para o persoal laboral da Xunta de Galicia, publicado no DOG nº 213, do 3 de novembro de 2008, que se subscribiu con data do 25 de marzo de 2009, dunha parte en representación do ente público Fundación Deporte Galego, a directora xeral para o Deporte, e doutra, o delegado de persoal, en representación dos traballadores do convenio laboral afectado, e de conformidade co disposto no artigo 92.1º, en relación co artigo 90, apartados 2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
A Dirección Xeral de Relacións Laborais
ACORDA:
Primeiro.-Ordenar a inscrición do referido acordo de adhesión no correspondente rexistro desta dirección xeral, con notificación á comisión negociadora.
Segundo.-Dispoñer a súa publicación no Diario Oficial de Galicia.
Santiago de Compostela, 29 de abril de 2009.
Odilo Martiñá Rodríguez
Director xeral de Relacións Laborais