A xefa do Servizo de Inspección Urbanística I ditou, con data do 20 de febreiro de 2009, acordo polo que se lle incoa o expediente de reposición da legalidade urbanística nº 107 B 2008/151-0, a Margarita Begoña Eytor Coira, pola execución de obras consistentes na instalación dunha vivenda de madeira prefabricada, así como unha fosa séptica, pozo de captación de auga, contador de electricidade e caseta auxiliar con garaxe aberto, no lugar de Camiño Real a praia de Chanteiro-parroquia de Cervás, no termo municipal de Ares.

Ao non poderse realizar a notificación persoal daquela resolución, mediante esta cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao interesado o devandito acordo.

Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao interesado que o texto íntegro da resolución que se notifica encóntrase ao seu dispor nas dependencias da Axencia de Protección da Legalidade Urbanística sitas no edificio Witland-Salgueiriños, en Santiago de Compostela.

O interesado dispón dun prazo de 15 días para presentar os documentos e xustificacións que considere pertinentes e, se é o caso, propor proba concretando os medios de que pretenda valerse.

Para que conste, e lle sirva de notificación ao citado denunciado en cumprimento do disposto no artigo 59.5º da citada Lei 30/1992, do 26 de novembro, expido e asino esta cédula.

Santiago de Compostela, 10 de marzo de 2009.

Hipólito Pérez Novo

Director da Axencia de Protección da Legalidade Urbanística