Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 1043/2008 por instancia de Ana Castro Carro contra Ingeniería de Instalaciones Industriales, S.A., sobre despedimento, nos cales recaeu sentenza con data do 2 de marzo de 2009 que, copiada nos particulares necesarios, di así:
«Que, estimando a demanda formulada por Ana Cristina Castro Carro, declaro a improcedencia do seu despedimento e condeno a empresa Ingeniería de Instalaciones Industriales, S.A. a que, á súa elección, que efectuará no prazo de cinco días, a readmita no seu posto e condicións de traballo ou a indemnice coa cantidade de 6.904,11 euros, así como a aboarlle en concepto de salarios de tramitación a cantidade de 10.166,67 euros.
Notifíqueselles esta resolución as partes e fágalles saber que contra ela cabe interpoñer recurso de suplicación ante o Tribunal Superior de Xustiza de Galicia, Sala do Social, que deberá anunciar previamente ante este xulgado do social no prazo de cinco días hábiles a partir do día seguinte ao da súa notificación.
Prevense a empresa demandada de que, para interpor recurso, deberá acreditar o ingreso na c/c de consignacións, código 1533.0000.60.1043.08 de Banesto (0030) desta cidade, denominada Conta do Xulgado do Social número tres, o importe da condena e 150,25 euros en concepto de depósito; sen estes requisitos non será admitido a trámite o recurso, quedando firme a sentenza.
Así mesmo, advírteselle á parte demandada que, se fai uso de tal dereito, optando pola readmisión, durante a substanciación do procedemento deberá aboar á parte demandante o mesmo salario que tería percibido, estando obrigada esta a prestar os seus servizos á demandada, a menos que prefira facer uso de tal aboamento sen percibir compensación ningunha por parte da demandante.
Así, por esta miña sentenza, da cal se unirá certificación aos autos orixinais para a súa notificación e cumprimento, xulgando pronúncioo, mándoo e asínoo».
E para que conste, para os efectos da súa publicación no Diario Oficial de Galicia co fin de que lle sirva de notificación en forma a Ingeniería de Instalaciones Industriales, S.A., expido e asino esta cédula na Coruña, 3 de marzo de 2009.
O secretario xudicial
Rubricado
