Xulgado de Primeira Instancia número tres de Vilagarcía de Arousa.
Xuízo procedemento ordinario 185/2008.
Parte demandante Volkswagen Finance, S.A., EFC.
Parte demandada Jorge Luis Ferre Casar.
No xuízo referenciado ditouse sentenza cuxo encabezamento e resolución son do teor literal seguinte:
«Sentenza nº 24.
En Vilagarcía de Arousa o doce de febreiro de dous mil nove.
Vistos por min, Santiago Rodríguez de Vicente-Tutor, xuíz do Xulgado de Primeira Instancia e Instrución número tres de Vilagarcía de Arousa, estes autos de xuízo ordinario seguido neste xulgado co nº 185/2008, en que actúa como parte demandante a mercantil Volkswagen Finance, S.A., representada pola procuradora Sra. Pereira Rodríguez, e como demandado Jorge Luis Ferre Casar, en situación procesual de rebeldía, en virtude das facultades que me confire a Constitución e en nome de el-Rei dito a seguinte sentenza.
Seguen antecedentes de feito e fundamentos de dereito.
Resolvo estimar a demanda interposta pola procuradora Sra. Pereira Rodríguez, en nome e representación da mercantil Volkswagen Finance, S.A. e, en consecuencia, condenar a Jorge Luis Ferre Casar, en situación procesual de rebeldía, a que lle aboe á demandante a cantidade de 11.777,21 euros máis os xuros de demora pactados ao 2% mensual (24% anual) e os que se vaian xerando desde a data desta resolución e ata o seu completo pagamento a razón de 7,74 euros diarios, todo iso con imposición das custas ao demandado.
Esta resolución non é firme e contra ela cabe interpor recurso de apelación, no prazo de cinco días, ante a Audiencia Provincial de Pontevedra, o cal se preparará ante este mesmo xulgado.
Lévese o orixinal ao libro de sentenzas.
Notifíqueselles esta resolución ás partes.
Por esta miña sentenza, así o pronuncio, mando e asino. Santiago Rodríguez de Vicente-Tutor. Xuíz do Xulgado de Primeira Instancia e Instrución número tres de Vilagarcía de Arousa.
O xuíz O secretario
Rubricado Rubricado»
En virtude do acordado nos autos de referencia, de conformidade co disposto nos artigos 156.4º e 164 da Lei 1/2000, de axuizamento civil, expídese este edicto para que lle sirva de notificación a Jorge Luis Ferre Casar.
Vilagarcía de Arousa, 13 de febreiro de 2009. O secretario xudicial, rubricado.
Dilixencia de constancia. Expídoa eu, o secretario xudicial, para facer constar que este edicto quedou fixado no día de hoxe no taboleiro de anuncios. Dou fe.
O secretario xudicial
Rubricado