Eu, Francisco Castiñeiras Fernández, secretario xudicial do Xulgado de Primeira Instancia número tres de Santiago de Compostela, fago saber que no procedemento de xuízo verbal 140/2008, seguido por instancia de BBVA Seguros, S.A., Compañía de Seguros y Reaseguros, contra María Milagros Martínez García, se ditou sentenza cuxo encabezamento e resolución son do teor literal seguinte:
Mónica Sánchez Romero, maxistrada-xuíza do Xulgado de Primeira Instancia número tres desta localidade e do seu partido xudicial, viu estes autos de xuízo verbal seguidos ante este xulgado co nº 140/2008 por instancia da entidade BBVA Seguros S.A., representada pola procuradora dos tribunais Soledad Sánchez Silva e asistida polo letrado Francisco Javier Belmonte Navas, contra María Milagros Martínez García, en rebeldía procesual, sobre reclamación de cantidade, e resolvo que, estimando a demanda presentada pola procuradora dos tribunais Soledad Sánchez Silva, en representación de BBVA Seguros, S.A., contra María Milagros Martínez García, en rebeldía procesual, debo condenar e condeno a demandada a lle aboar á parte demandante a cantidade de dous mil trescentos corenta e cinco euros con setenta e catro céntimos (2.345,74 euros), cos xuros legais correspondentes desde a interposición da demanda e os do artigo 576 da Lei de axuizamento civil. As custas impóñense á parte demandada. Contra
esta resolución cabe recurso de apelación ante a Audiencia Provincial da Coruña que, de ser o caso, se deberá preparar ante este mesmo xulgado no prazo dos cinco días seguintes ao da súa notificación. Por esta miña sentenza así o ordeno, mando e asino.
E para que lle sirva de notificación en legal forma á demandada rebelde, María Milagros Martínez García, expido e asino este edicto en Santiago de Compostela o 21 de novembro de 2008.
O secretario xudicial
Rubricado