A Xerencia do Hospital da Costa en virtude do establecido na Orde do 8 de maio de 2006 sobre delegación de competencias en órganos centrais e periféricos do Servizo Galego de Saúde, resolve proceder ao anuncio da convocatoria para a vinculación temporal, mediante nomeamento de interinidade, dun facultativo especialista de área de reumatoloxía.

A mencionada convocatoria estará exposta nos taboleiros de anuncios do centro hospitalario.

As solicitudes, que deberán dirixirse á Dirección Xerencia do Hospital da Costa, rúa Rafael Vior s/n, 27880 Burela, poderán ser presentadas no rexistro de entrada do dito centro ou a través de calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de 15 días naturais contados desde o seguinte ao da publicación desta convocatoria no Diario Oficial de Galicia.

Burela, 20 de febreiro de 2009.

José Manuel Casdelo Filgueiras

Director xerente do Hospital da Costa de Burela