Por Resolución do 12 de xaneiro de 2009 (DOG nº 17, do 26 de xaneiro) convocáronse para a súa provisión, polo sistema de concurso de méritos, postos de xefe de grupo das distintas áreas deste hospital.

De acordo co disposto nas bases da convocatoria, previa actuación da comisión de avaliación a que se fai referencia na base sexta, e á vista dos méritos alegados polos aspirantes que constan nas actas da devandita comisión,

Esta xerencia, de conformidade co previsto no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG nº 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en exercicio das competencias que ten atribuídas,

ACORDA:

Primeiro.-Adxudicar os postos de traballo convocados aos aspirantes que obtiveron a maior puntuación, segundo o anexo.

Segundo.-Os profesionais nomeados deberán cesar na praza que desempeñen dentro dos tres días hábiles seguintes ao da súa publicación.

Terceiro.-A toma de posesión do posto de traballo adxudicado deberá efectuarse dentro dos tres días hábiles seguintes ao do cesamento, se a praza desempeñada e o posto adxudicado son da mesma área de saúde, ou no prazo de quince días hábiles, se son de distinta área de saúde ou dun mes, se a praza desempeñada corresponde a outro servizo de saúde. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.

Se así o permiten as necesidades do servizo, e por petición motivada do interesado, os prazos a que se refiren os parágrafos anteriores poderán ser prorrogados polo xerente do hospital.

Entenderase que solicita a excedencia voluntaria por interese particular, e será declarado nesa situación polo órgano competente, quen non se incorpore ao posto adxudicado no prazo establecido.

Cuarto.-Contra esta resolución poderá interpoñerse, nos termos previstos na Lei 30/1992, do 26 de novembro, de réxime xurídico das administracións públicas e do procedemento administrativo común, recurso de alzada perante a División de Recursos Humanos e Desenvolvemento Profesional do Servizo Galego de Saúde, no prazo de un mes contado desde o día seguinte á súa publicación.

Cee, 26 de marzo de 2009.

Francisco José Pazos Soto

Director xerente do Hospital Virxe da Xunqueira

ANEXO

Posto: xefa de grupo de Xestión de Retribucións-Nóminas. Área de RR.HH.

Nome e apelidos: María Dolores Caamaño Lago.

DNI: 78788667-M.

Posto: xefe de grupo de Xestión de Persoal. Área de RR.HH.

Nome e apelidos: Angel Luis Paz Ramos.

DNI: 79318290-F.

Posto: xefe de grupo de Subministración. Área de Subministración.

Nome e apelidos: Jorge Criado Cal.

DNI: 32670984-J.

Posto: xefe de grupo de Facturación. Área de Xestión Económica.

Nome e apelidos: Ángel Rivadulla Carracedo.

DNI: 32778385-G.

Posto: xefe de grupo de Contabilidade. Área de Xestión Económica.

Nome e apelidos: Germán Calo Canosa.

DNI: 76366972-A.

Posto: xefa de grupo da Área de Admisión.

Nome e apelidos: Margarita Ozón Quintáns.

DNI: 46912021-W.

Posto: xefe de grupo da Área de Admisión.

Nome e apelidos: Óscar Canosa Boedo.

DNI: 32795918-B.

Posto: xefe de grupo da Área de Admisión.

Nome e apelidos: Belén Vilela Toba.

DNI: 79318026-L.