Convocada pola Orde do 16 de decembro de 2008 (DOG nº 4, do 7 de xaneiro de 2009) a provisión dun posto de persoal directivo vacante na Xerencia de Atención Primaria da Coruña, esta consellería, de conformidade co previsto no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, en exercicio das competencias que ten atribuídas,

DISPÓN:

Primeiro.-Resolver a convocatoria pública para a provisión, dun posto directivo pertencente á estrutura organizativa da Xerencia de Atención Primaria da Coruña, anunciada pola Orde do 16 de decembro de 2008 (DOG nº 4, do 7 de xaneiro de 2009).

Segundo.-Nomear na praza que se indica a persoa citada no anexo I desta orde, para os efectos do previsto no número 2 do artigo 59 do Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde.

Terceiro.-Contra esta orde, que pon fin á vía administrativa, poderase interpoñer potestativamente recurso de reposición ante este mesmo órgano, no prazo dun mes contado a partir do día seguinte ao da súa publicación. De non estimar a interposición deste recurso, poderase interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación.

Santiago de Compostela, 17 de marzo de 2009.

Mª José Rubio Vidal

Conselleira de Sanidade

ANEXO

Posto: directora xerente.

Nome e apelidos: Mª Jesús Cerecedo Pérez.

DNI: 76706294-Y.