Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: avda. de Arteixo 171, 15007 A Coruña.
Denominación: adecuación L.M.T.A. e L.M.T.S. estrada Vilar-Amañecida.
Situación: Brión.
Características técnicas: liña de media tensión aérea a 20 kV, cunha lonxitude de 0,365 km, con orixe no apoio nº 6 da L.M.T.A. derivada ao C.T. Vilar, condutor tipo LA 110/116,2 mm2 e final no apoio nº 4 da L.M.T.A. proxectada.
Liña de media tensión subterránea a 20 kV, cunha lonxitude de 0,024 km, con orixe no apoio nº 4 da L.M.T.A. proxectada, condutor R.H.Z.1-12/20 kV (3×150) Al e final no apoio de formigón a intercalar na L.M.T.A. ao C.T. Vioxo anterior ao C.T.A. Concello de Brión.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.
A instalación executarase nun prazo non superior a un ano, contado a partir da data desta resolución.
Contra esta resolución poderase interpoñer recurso de alzada ante o conselleiro de Innovación e Industria no prazo dun mes contado a partir do día seguinte ao da notificación desta resolución; tamén se poderá interpoñer calquera outro recurso que se considere pertinente ao seu dereito.
A Coruña, 29 de xaneiro de 2009.
José Luis Barcia Picos
Delegado provincial da Coruña