De conformidade co establecido no artigo 50 e no anexo do Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e en uso das atribucións conferidas no artigo 3 da Orde do 24 de maio de 2006 (DOG nº 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e no artigo 5. 1º j) da Orde do 8 de maio de 2006 (DOG nº 99, do 25 de maio), sobre delegación de competencias en órganos centrais e periféricos do Servizo Galego de Saúde, esta dirección xerencia

RESOLVE:

Primeiro.-Anunciar a convocatoria para cubrir, polo sistema de libre designación, un posto de traballo vacante de xefe de grupo adscrito á dirección de enfermaría.

Segundo.-Poderá concorrer a ela o persoal estatutario de xestión e servizos con vínculo de fixeza que reúna os requisitos establecidos nas bases da convocatoria.

Terceiro.-A mencionada convocatoria estará exposta no taboleiro de anuncios da Xerencia de Atención Primaria de Lugo, así como na páxina web do Servizo Galego de Saúde (www.sergas.es).

Cuarto.-O prazo de presentación de instancias será de 15 días hábiles contados a partir do seguinte ao da publicación deste anuncio no Diario Oficial de Galicia. As solicitudes deberán dirixirse á directora xerente de Atención Primaria de Lugo e poderán ser presentadas no Rexistro de Entrada da Xerencia ou en calquera rexistro xeral dos servizos do Servizo Galego de Saúde e da Consellería de Sanidade ou a través de calquera dos procedementos do artigo 38.4º da Lei 30/1992 do 26 de novembro, de réxime xurídico das administracións públicas e do procedemento administrativo común, modificado pola Lei 4/1999, do 13 de xaneiro.

Lugo, 2 de febreiro de 2009.

Josefa Díaz Otero

Directora xerente de Atención Primaria de Lugo

ANEXO

Clase de persoal: persoal estatutario de xestión e servizos.

Denominación do posto: xefe de grupo adscrito á dirección de enfermaría.

Grupo de clasificación: C ou D.

Centro directivo: Xerencia de Atención Primaria de Lugo.