Por medio da Orde do 30 de setembro de 2008, a Consellería de Política Territorial, Obras Públicas e Transportes fixou as bases e convocou subvencións para que as empresas que prestan servizos de transporte público regular permanente de viaxeiros de uso xeral, suxeitas a concesión administrativa da Comunidade Autónoma de Galicia, poidan adquirir vehículos accesibles para persoas con mobilidade reducida.

Unha vez rematada a tramitación de todas as solicitudes que se presentaron, e en cumprimento do artigo 10.3º da citada orde, debe dárselles publicidade ás subvencións concedidas.

En consecuencia,

RESOLVO:

Publicar como anexo as subvencións concedidas ao abeiro da Orde do 30 de setembro de 2008 pola que se establecen as bases reguladoras e se convocan para o ano 2008 axudas a empresas de transporte público de viaxeiros para a adquisición de vehículos accesibles.

Santiago de Compostela, 28 de xaneiro de 2009.

Mar Chao López

Directora xeral de Transportes

Ver referencia pdf "03900D002P005.PDF"