No BOP da Coruña nº 289, do 17 de decembro de 2008, publicouse a convocatoria e bases específicas para cubrir, por persoal laboral fixo, dúas prazas de operarios de servizos-carpinteiros, con nivel de titulación de certificado de escolaridade ou equivalente, vacantes no cadro de persoal do concello.
Esta convocatoria específica desenvolve as bases xerais para a provisión de prazas vacantes convocadas polo Concello de Oleiros para o ano 2008, publicadas no BOP da Coruña nº 65, do 18 de marzo de 2008. O prazo de presentación de instancias será de vinte días naturais contados desde o día seguinte ao da publicación do anuncio desta convocatoria no BOE. Despois da publicación antedita, os sucesivos anuncios relativos á convocatoria publicaranse exclusivamente no BOP da Coruña e no taboleiro de anuncios do concello.
Oleiros, 12 de xaneiro de 2009.
María José Varela Neira
Primeira tenente de alcalde delegada de Interior