Convocada, por Orde do 6 de novembro de 2008 (DOG nº 227, do 21 de novembro), a provisión dun posto de persoal directivo vacante no Complexo Hospitalario Universitario A Coruña, esta consellería, de conformidade co previsto no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, en exercicio das competencias que ten atribuídas,

DISPÓN:

Primeiro.-Resolver a convocatoria pública para a provisión dun posto de persoal directivo pertencente á estrutura organizativa do Complexo Hospitalario Universitario A Coruña, anunciada pola Orde do 6 de novembro de 2008 (DOG nº 227, do 21 de novembro).

Segundo.-Nomear na praza que se indica a persoa citada no anexo desta orde, para os efectos do previsto no punto 2º do artigo 59 do Decreto 206/2005, do 22 de xullo (DOG nº 145, do 29 de xullo) de provisión de prazas de persoal estatutario do Servizo Galego de Saúde.

Terceiro.-Contra esta orde, que pon fin á vía administrativa, poderase interpoñer potestativamente recurso de reposición ante este mesmo órgano, no prazo dun mes contado a partir do día seguinte ao da súa publicación. De non estimar a interposición deste recurso, poderase interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación.

Santiago de Compostela, 4 de febreiro de 2009.

Mª José Rubio Vidal

Conselleira de Sanidade

ANEXO

Posto: subdirectora de Enfermaría do Complexo Hospitalario Universitario A Coruña.

Nome e apelidos: Mª Nieves Rodríguez Sánchez.

DNI: 32439781-Y.