No xulgado do contencioso-administrativo número un de Santiago de Compostela tramítase o recurso 17/2009 (procedemento abreviado), interposto por María Montserrat Casares López, Vanessa González Estévez e María de los Ángeles Justo Acevedo contra as resolucións da División de Recursos Humanos e Desenvolvemento Profesional do 3 de novembro, 10 de novembro e 31 de outubro de 2008 respectivamente, polas que se desestiman os recursos de reposición interpostos polas recorrentes contra a Resolución do 28 de xullo de 2008, da División de Recursos Humanos e Desenvolvemento Profesional, pola que se fan públicos os acordos dos tribunais que xulgan o proceso selectivo para o ingreso en determinadas categorías do persoal estatutario do Servizo Galego de Saúde, relativos á baremación definitiva da fase de concurso e a presentación da documentación dos definitivamente seleccionados (categoría de ATS/DUE).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 26 de xaneiro de 2009.

Antonio José Fernández Paniagua

Director xeral da División de Recursos Humanos

e Desenvolvemento Profesional