Evangelina Lago Valle solicita, en nome e representación da confraría de pescadores A Pastoriza, a concesión administrativa de ocupación da lonxa vella do dominio público portuario no porto de Vilanova de Arousa co fin de destinala a almacén e vestiarios para o sector pesqueiro e marisqueiro, para o que será necesario executar obras segundo o proxecto básico redactado en setembro de 2008 polo arquitecto técnico Juan Carlos Viñayo García.
O que se fai público, para os efectos previstos no artigo 110 da Lei 48/2003, do 26 de novembro, de réxime económico e de prestación de servizos dos portos de interese xeral (BOE nº 284, do 27 de novembro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Sur de Portos de Galicia, sitas na rúa Benito Corbal, 37-3º, 36001 Pontevedra, no prazo de vinte (20) días hábiles, contados a partir do seguinte ao de publicación deste anuncio no Diario Oficial de Galicia.
Pontevedra, 21 de xaneiro de 2009.
Mateo Ruibal Fernández
Enxeñeiro xefe da Zona Sur de Portos de Galicia