Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos 916/2008, por instancia de Ainhoa Martín Sánchez contra Jose A. Naveira Tizón, sobre despedimento, en que recaeu sentenza con data do 9 de xaneiro de 2009 que, copiada nos particulares necesarios, di así:
«Que, estimando a demanda formulada por Ainhoa Martín Sánchez, declaro a improcedencia do seu despedimento e, ao estar a empresa pechada e ser imposible a súa readmisión, declaro a extinción do contrato de traballo na data desta resolución, condenando a empresa Jose A. Naveira Tizon a aboarlle en concepto de indemnización a cantidade de 946,14 , e como salarios de tramitación ata a data da sentenza a cantidade de 4.397,13 .
Notifíquese esta resolución ás partes, facéndolles saber que contra ela cabe interpoñer recurso de suplicación ante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día ao da súa notificación.
Prevense a empresa demandada de que, para recorrer, deberá acreditar o ingreso na c/c de consignacións código 1533.0000.60.916.08 de Banesto (0030) desta cidade, denominada Conta do Xulgado do Social número tres, o importe da condena e 150,25 euros en concepto de depósito, requisitos sen os cales non será admitido a trámite o recurso, quedando firme a sentenza.
Así, por esta miña sentenza, da que se unirá certificación aos autos orixinais para a súa notificación e cumprimento, xulgando pronúncioo, mándoo e asínoo».
E para que conste para efectos da súa publicación no Diario Oficial de Galicia co fin de que sirva de notificación en forma a José M. Vázquez Castro, expido e asino esta cédula na Coruña, 21 de xaneiro de 2009.
O secretario xudicial
Rubricado