Nos autos de referencia, verbal 442/2008, seguido neste xulgado por instancia de José Francisco Álvarez Faraldo, Antonio Álvarez Faraldo e Antonio Álvarez Bonome contra Pedro Álvarez Fraga, Manuel Álvarez Fraga, José Álvarez Fraga e Manuel Bonome Vales, ditouse sentenza cuxo encabezamento e decisión literalmente din:

«Vistos por Nuria Fachal Noguer, xuíza do Xulgado de Primeira Instancia e Instrución número Un de Betanzos, os autos do xuízo verbal 442/2008 no que son partes os demandantes José Francisco Álvarez Faraldo, Antonio Álvarez Faraldo e Antonio Álvarez Bonome, asistidos pola letrada Sra. Pena Barbeito e representados pola procuradora Sra. Amor Vilariño e os demandados, Pedro Álvarez Fraga, Manuel Álvarez Fraga, José Álvarez Fraga e Manuel Bonome Vales, en situación de rebeldía procesual.

Estimando integramente a demanda interposta por José Francisco Álvarez Faraldo, Antonio Álvarez Faraldo e Antonio Álvarez Bonome, asistidos pola letrada sra. Pena Barbeito e representados pola procuradora sra. Amor Vilariño contra os demandados, Pedro Álvarez Fraga, Manuel Álvarez Fraga, José Álvarez Frgaa e Manuel Bonome Vales, en situación de rebeldía procesual, debo declarar e declaro o dereito de propiedade dos demandantes sobre os seguintes predios: predio nº 333 do concello de Coirós, parroquia de Ois, inscrita ao tomo 1087, libro 72 de Coirós, folio 52, predio 6671; predio nº 332 do concello de Coirós, parroquia de Ois, inscrita ao tomo 1087, libro 72 de Coirós, folio 51, predio 6670, predio nº 331 do concello de Coirós, parroquia de Ois, inscrita no tomo 1087, libro 72 de Coirós, folio 50, predio 6669, predio nº 330 do concello de Coirós, parroquia de Ois, inscrita no tomo 1087, libro 72 de Coirós, folio 49, predio 6668.

Os demandantes deberán ser respectados na quieta e pacífica posesión dos inmobles descritos, debendo procederse á corrección das inscricións rexistrais dos referidos predios.

Todo iso sen expresa imposición das custas a ningunha das partes.

Notifíquese esta resolución ás partes.

Esta resolución non é firme. Contra ela cabe recurso de apelación que deberá prepararse neste xulgado no prazo de cinco días contados desde o seguinte ao da súa notificación».

E para que sirva de notificación en legal forma a Pedro Álvarez Fraga, Manuel Álvarez Fraga, José Álvarez Fraga e Manuel Bonome Vales, todos eles con domicilio descoñecido, expido o presente en Betanzos o dous de outubro de dous mil oito.

Juan María Abalo Gastex

Secretario