Dentro das actividades programadas para o ano 2009, en colaboración co Concello da Coruña, en virtude do convenio de formación asinado entre a Academia Galega de Seguridade Pública e o Concello da Coruña, anúnciase a celebración dun curso sobre intervención policial, que deberá desenvolverse conforme as seguintes bases:
-Obxectivos.
Actualizar coñecementos e técnicas de intervención policial en diferentes supostos prácticos.
-Destinatarios.
Persoal dos corpos de policía local, fundamentalmente persoal que desenvolve o seu traballo en unidades operativas, e dentro destas con preferencia para o persoal da Unidade Territorial/quenda de noite e, en segundo lugar, ao persoal do grupo de motos e dos servizos de patrullas 092 (12 prazas, 9 do corpo de Policía Local da Coruña e 3 prazas para solicitantes doutros corpos de policía local que cumpran os mesmos requisitos, tendo preferencia os dos concellos próximos ao concello da Coruña).
-Inscrición.
A inscrición dos participantes será totalmente gratuíta.
-Prazas.
12 prazas.
-Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 18 de febreiro ás 14.00 horas.
3. As instancias dos solicitantes que non pertenzan ao concello da Coruña, deberán enviarse á Academia Galega de Seguridade Pública (fax: 886 20 61 22), avenida da Cultura, s/n, 36680 A Estrada; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Os solicitantes que pertenzan ao corpo de Policía Local do Concello da Coruña deberán facer a súa solicitude a través da Academia de Formación de Policía Local do Concello da Coruña.
-Obriga das persoas seleccionadas.
As persoas seleccionadas teñen a obriga de comunicar a súa imposibilidade de asistencia con 48 horas de antelación ao comezo do curso, para que desde a Agasp se poida proceder á súa substitución. De non facelo serán excluídos/as automaticamente da selección para as 10 seguintes actividades que se convoquen, para as que reúna os requisitos exixidos aos solicitantes ou destinatarios/as.
-Datas.
O curso desenvolverase do 25 ao 27 de febreiro.
O horario será de 8.00 a 14.00 horas, cunha duración de 18 horas lectivas.
-Contido.
*Aikido e defensa persoal.
*Técnicas de intervención policial.
-Selección.
Os membros do corpo da Policía Local do Concello da Coruña serán seleccionados pola Xefatura da Policía Local do Concello da Coruña, e os restantes seranlles de aplicación os criterios do proceso de selección dos cursos da Agasp (non ter feito este curso, menor número de cursos, antigüidade, grupo de pertenza, etc.).
-Relación de admitidos.
A relación de admitidos será publicada o día 20 de febreiro a partir das 14.00 horas, pola Academia Galega de Seguridade Pública. Os interesados poden coñecer e confirmar a súa asistencia chamando aos teléfonos 886 20 61 17/18/24 (Agasp) e na páxina web http://agasp.xunta.es.
-Lugar.
Primeira parte: sede da Policía Local da Coruña.
Segunda parte: instalacións do Ministerio de Defensa/cuartel de Atocha.
-Vestiario, equipamento e material.
Dado o carácter práctico do curso, a súa asistencia será con roupa deportiva. Ademais do anterior, os días de técnicas de intervención policial será necesario dispor de cinto, pistola, defensa e grillóns.
-Certificado de aproveitamento.
Ao remate do curso entregaráselles un certificado de aproveitamento a aquelas persoas que acrediten a súa participación continuada a este e superen as correspondentes probas de coñecementos.
-Modificacións.
Tanto a Academia Galega de Seguridade Pública como o Concello da Coruña, se é o caso, poderán modificar o desenvolvemento normal dos cursos para adaptalos ás necesidades da Administración e ás continxencias que poidan xurdir.
A Estrada, 2 de febreiro de 2009.
P.S. (Disp. 1ª Orde 31-1-2009; DOG nº 23, do 1 de febreiro)
María Isabel Durántez Gil
Directora xeral de Interior
Ver referencia pdf "02700D008P022.PDF"
AXENCIA PARA A CALIDADE DO SISTEMA UNIVERSITARIO
DE GALICIA