Cédula do 22 de xaneiro de 2009 pola que se notifican os acordos do Xurado de Expropiación de Galicia que fixa o prezo xusto dos predios que se relacionan no anexo xunto cos seus datos.
De conformidade co disposto no artigo 59 números 4º e 5º da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), modificada pola Lei 4/1999, do 13 de xaneiro, sobre notificacións ás persoas interesadas, intentada coas formalidades previstas na LRXPAC e non practicada por resultar descoñecido o seu destinatario, ou ben porque, intentada, non se puido efectuar polas diferentes causas determinadas no aviso de recepción devolto polo servizo de correos,
DISPOÑO:
Primeiro.-Notificarlle mediante esta cédula ás persoas que se relacionan no anexo os actos do Xurado de Expropiación de Galicia que se citan, das datas que nel se recollen.
Segundo.-Contra estas resolucións, que esgotan a vía administrativa, os interesados/as poderán interpor o recurso potestativo de reposición, con anterioridade á vía contencioso-administrativa, ante o mesmo órgano que o ditou no prazo dun mes contado desde o día seguinte ao da súa notificación, de acordo co previsto nos artigos 116 e 117 da LRXPAC. Os interesados tamén poderán interpor recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da notificación de conformidade cos artigos 10.1º i), 14.1º e 46 da Lei 29/1998, do 13 de xullo, reguladora da xurisdición contenciosa-administrativa. En ningún caso poderán simultanearse ambos recursos.
O texto íntegro dos acordos referenciados nesta cédula está á disposición dos interesados nas dependencias do Xurado de Expropiación de Galicia con enderezo no edificio administrativo de San Lázaro s/n, de Santiago de Compostela, 15703.
Terceiro.-En consecuencia, para que conste e lles sirva de notificación, expido, asino e selo esta cédula en Santiago de Compostela o 22 de xaneiro de 2009.
Manuel González Sarria
Presidente do Xurado de Expropiación de Galicia
ANEXO
Proxecto: 00462, Proxecto sectorial do parque empresarial de Bértoa no municipio de Carballo (A Coruña).
Concello: Carballo.
Provincia: A Coruña.
Expropiante: Instituto Galego da Vivenda e Solo.
Beneficiario: Xestur A Coruña, S.A.
Acto notificado: acordo de fixación de prezo xusto.
-Persoa que se notifica: Electricidade Xonxa, S.L.U.
Data acto que se notifica: 25-9-2008.
Nº expediente: 2008002095.
Predio: 138.
Valor XEG: 23.089,50.
-Persoa que se notifica: Prolongaponte, S.L.
Data acto que se notifica: 25-9-2008.
Nº expediente: 2008002100.
Predio: 165.
Valor XEG: 15.419,25.
