En virtude das facultades conferidas na vixente normativa de contratación, anúnciase a licitación dun contrato suxeito ás seguintes bases:

1. Entidade adxudicadora.

a) Organismo: Instituto Galego de Estatística (IGE).

b) Dependencia que tramita o expediente: Servizo Técnico Xurídico e de Contratación.

c) Nº de expediente: 2009/227.01/01.

2. Obxecto do contrato.

a) Descrición do obxecto: realización da prestación do servizo de seguridade privada nas dependencias do Instituto Galego de Estatística.

b) Prazo de execución: será de catro anos contados desde o día 1 de abril de 2009 ata o 31 de marzo de 2013.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

4. Orzamento base de licitación: 600.000 euros (IVE incluído).

5. Garantía provisional: 18.000 euros.

6. Obtención de documentación e información.

a) Entidade: Instituto Galego de Estatística.

b) Enderezo: complexo administrativo San Lázaro, s/n.

c) Localidade e código postal: Santiago de Compostela 15703.

d) Teléfono: 981 54 13 99.

e) Telefax: 981 54 13 23.

7. Requisitos específicos do contratista.

a) Clasificación: grupo M, subgrupo 2, categoría B.

8. Presentación de ofertas ou de solicitudes de participación.

a) Prazo de presentación: quince días naturais contados desde o día seguinte ao da data de publicación deste anuncio no Diario Oficial de Galicia.

b) Documentación que deben presentar: a especificada no prego de cláusulas administrativas particulares.

c) Lugar de presentación: no rexistro do Instituto Gallego de Estadística, das 9.00 ás 14.00 horas. No caso de que as proposicións se envíen por correo, o licitador deberá xustificar a data de imposición do envío na oficina de correos e anunciarlle ao órgano de contratación a remisión da mencionada oferta mediante telegrama ou fax (981 54 13 23) no mesmo día.

9. Apertura das ofertas económicas.

a) Entidade: sala de xuntas do Instituto Galego de Estatística.

b) Data: a data e hora de realización da mesa de apertura do sobre C publicarase na plataforma de contratación, no taboleiro de anuncios do órgano de contratación e na páxina web www.ige.eu

10. Outras informacións.

Tamén se poderán obter os pregos relativos a esta contratación a través da internet, no seguinte enderezo:

http://www.contratosdegalicia.es/resultado.jsp?N=11395

11. Gastos de anuncios: por conta do adxudicatario.

Santiago de Compostela, 12 de xaneiro de 2009.

Ángel L. Tarrío Tobar

Director do Instituto Galego de Estatística