Por medio desta cédula, e en cumprimento do disposto no artigo 142 do Regulamento de VPO aprobado polo Decreto 2114/1968, do 24 de xullo, notifícaselle ao interesado, cos datos e último enderezo coñecido sinalado no anexo, o acordo de incoación do correspondente expediente administrativo de desafiuzamento que, co número que se indica, se iniciou neste organismo por non destinar a vivenda a domicilio habitual e permanente do beneficiario ou arrendatario, causa suficiente de desafiuzamento conforme o disposto nos artigos 61.2º F) da Lei 4/2003, do 29 de xullo, de vivenda de Galicia, 30.6º do Real decreto 2960/1976, do 12 de novembro, polo que se aproba o texto refundido da lexislación de VPO, e 138.6º do Regulamento de VPO, Decreto 2114/1968, do 24 de xullo.
Concédese o prazo de 15 días hábiles desde o seguinte ao da publicación desta cédula para a contestación ao acordo ante este Servizo Provincial do IGVS, alegando por escrito o que consideren conveniente e, se é o caso, achegando ou propoñendo as probas que crean oportunas para o seu descargo. Transcorrido o dito prazo darase por evacuado o trámite seguindo o seu curso o expediente.
Para que conste e lles sirva de notificación ao interesado de enderezo descoñecida, en cumprimento do disposto no artigo 59.4º da Lei 30/1992, do 26 de novembro, de réxime xurídico das administración públicas e do procedemento administrativo común, expido, asino e selo esta cédula na Coruña o 13 de xaneiro de 2009.
Xoán Carlos Bascuas Jardón
Delegado provincial da Coruña
ANEXO
Nº expediente de desafiuzamento: 16/2008.
Expedientado: Vicente Quintáns Brage e herdeiros.
Último domicilio coñecido: rúa Negreira, nº 1, baixo D (Santiago de Compostela).
(Expte. C-590, conta 165).
Nº expediente de desafiuzamento: 17/2008.
Expedientado: Isolino Enjo Garazo e outros.
Último domicilio coñecido: praza de León nº 5, bloque 7, P-5, 3º esq. (Santiago de Compostela).
(Expte. C-106-CD/67, conta 125).