Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Eléctra del Jallas, S.A.
Domicilio social: praza de Constitución, 17, 15270, Cee (A Coruña).
Denominación: L.M.T., C.T., R.B.T. Berroxe.
Situación: Cee.
Características técnicas: liña de media tensión aérea (L.M.T.A.) a 20 kV, cunha lonxitude de 0,010 km, con orixe no apoio nº 3 da L.M.T.A. ao Faro C.T. Fadibón (expediente IN407A 07/603), con condutor LA-56/54,6 mm2 Al, e final no C.T. proxectado.
Centro de transformación (C.T.) intemperie para instalar no lugar de Berroxe, cunha potencia de 160 kVA e una relación de transformación de 20/0,4-0,23 kV.
Liña de baixa tensión aérea, cumha lonxitude total de 0,445 km, con orixe no C.T. proxectado, con conductores tipo R.Z. e sobre apoios de fomigón. Concello de Cee.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta delegación provincial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
As instalacións executaranse nun prazo non superior a un ano, contado a partir da data desta resolución.
Contra esta resolución poderase interpoñer recurso de alzada ante o conselleiro de Innovación e Industria no prazo dun mes contado a partir do día seguinte ao da notificación desta resolución; tamén se poderá interpoñer calquera outro recurso que se considere pertinente ao seu dereito.
A Coruña, 8 de xaneiro de 2009.
José Luis Barcia Picos
Delegado provincial da Coruña