A Lei orgánica 4/2007, do 12 de abril (BOE do 13 de abril), pola que se modifica a Lei orgánica 6/2001, do 21 de decembro, de universidades, na súa disposición adicional segunda dispón o seguinte:

1. «... os profesores titulares de escola universitaria que, no momento da entrada en vigor da lei, posúan o título de doutor ou o obteñan posteriormente, e se acrediten especificamente no marco do previsto polo artigo 57, accederán directamente ao corpo de profesores titulares de universidade, nas súas propias prazas...»

3. «Os que non accedan á condición de profesor titular de universidade permanecerán na súa situación actual mantendo todos os seus dereitos e conservando a súa plena capacidade docente e, de ser o caso, investigadora...».

Así mesmo, a disposición adicional décima establece que:

«Os que resultasen habilitados ou habilitadas conforme a regulación correspondente contida na Lei orgánica 6/2001, do 21 de decembro, de universidades, e a súa normativa de desenvolvemento, entenderase que posúen a acreditación regulada na reforma da devandita lei orgánica realizada por esta lei...»

Polo tanto, unha vez comprobado o cumprimento polos interesados dos requisitos establecidos e consonte co disposto nas citadas disposicións adicionais e en uso das atribucións conferidas ao meu cargo pola Lei orgánica de universidades e o Decreto 28/2004, do 22 de xaneiro (DOG do 9 de febreiro e BOE do 22 de abril), polo que se aproban os estatutos da Universidade de Santiago de Compostela, resolvo o seguinte:

Quedan integrados no corpo de profesores titulares de universidade os funcionarios do corpo de profesores titulares de escola universitaria pertencentes a esta universidade, que se relacionan a continuación, e quedan adscritos ao mesmo departamento, área de coñecemento e centro en que estivesen no seu corpo de orixe:

Apelidos e nome: López Rodríguez, Ramón.

DNI: 33817812-S.

Área de coñecemento: didáctica das ciencias experimentais.

Data de efectos da integración: 5-11-2008.

Apelidos e nome: Taracido Trunk, Margarita.

DNI: 35259569-V

Área de coñecemento: medicina preventiva e saúde pública.

Data de efectos da integración: 15-10-2008.

Contra esta resolución, que esgota a vía administrativa, poderase interpor recurso contencioso-administrativo no prazo de dous meses contados desde o día seguinte ao da súa publicación no BOE, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente poderase interpor recurso de reposición ante o reitor da Universidade de Santiago de Compostela, no prazo dun mes contado a partir do día seguinte ao da devandita publicación; neste caso non se poderá interpor o recurso contencioso-administrativo antes mencionado ata que sexa resolto expresamente ou se producise a desestimación presunta do de reposición, conforme o previsto nos artigos 116 e 117 da LRX-PAC.

Santiago de Compostela, 12 de xaneiro de 2009.

Senén Barro Ameneiro

Reitor da Universidade de Santiago de Compostela