A Lei orgánica 4/2007, do 12 de abril (BOE do 13 de abril), pola que se modifica a Lei orgánica 6/2001, do 21 de decembro, de universidades, na súa disposición adicional primeira dispón o seguinte:

«... A partir da entrada en vigor desta lei, logo de solicitude dirixida ao reitor da universidade, os funcionarios e funcionarias doutores do corpo de catedráticos de escola universitaria poderán integrarse no corpo de profesores titulares de universidade nas mesmas prazas que ocupen, mantendo todos os seus dereitos, e computándose a data de ingreso no corpo de profesores titulares de universidade a que tivesen no corpo de orixe. Os que non soliciten a devandita integración permanecerán na súa situación actual e conservarán a súa plena capacidade docente e investigadora…».

Unha vez solicitada pola profesora Herminia María García Ruso, con DNI número 33190039-G, funcionaria do corpo de catedráticos de escola universitaria, a súa integración no corpo de profesores titulares de universidade, e acreditados os requisitos exixidos, este reitorado, en uso das facultades que lle confire a Lei orgánica 4/2007, de universidades, e os estatutos desta universidade, resolve integrala no corpo de profesores titulares de universidade, con efectos desde o 10 de febreiro de 1995.

Contra esta resolución, que esgota a vía administrativa, poderase interpoñer recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación no BOE. Non obstante, os interesados poderán interpoñer recurso potestativo de reposición, no prazo dun mes, ante o órgano que ditou o acto, sen que neste caso se poida interpoñer o recurso contencioso-administrativo ata que non recaia resolución expresa ou presunta do recurso administrativo de reposición.

Santiago de Compostela, 12 de xaneiro de 2009.

Senén Barro Ameneiro

Reitor da Universidade de Santiago de Compostela