Aprobada polo Pleno da Corporación Municipal, en sesión que tivo lugar con carácter ordinario o 5 de novembro de 2008, a proposta da Alcaldía-Presidencia pola cal se aproba a modificación do convenio urbanístico asinado con Desarrollo Urbanísticos Beluso, S.L. que se vai desenvolver no lugar da Graña deste termo municipal, por medio deste anuncio sométese o expediente a información pública por un período de vinte días, mediante a inserción de anuncio indicativo no Diario Oficial de Galicia, nun xornal dos de maior difusión da provincia e no taboleiro de edictos do Concello de Bueu. Tamán se poderá consultar nas dependencias de Secretaría do Concello de Bueu.
Logo da información pública, o órgano que negociase o convenio deberá, á vista das alegacións, elaborar unha proposta de texto definitivo do convenio, a cal lles presentará ás persoas que negociaron o texto incial para a súa aceptación, reparos ou, se é o caso, renuncia; o texto definitivo do convenio debe ser ratificado novamente polo Pleno.
Bueu, 10 de novembro de 2008.
P.D.
Martín Villanueva Pastoriza
Alcalde delegado