No Xulgado do Contencioso-Administrativo número un de Santiago de Compostela tramítase o recurso 45/2009 (dereitos fundamentais), interposto pola Central Sindical Independiente e de Funcionarios (CSI-CSIF) contra o acordo do director xeral da División de Recursos Humanos e Desenvolvemento Profesional do Servizo Galego de Saúde, con data do 26 de decembro de 2008, polo que se desestima a solicitude formulada polo presidente autonómico da CSI-CSIF, no respecto da validez outorgada aos pactos e acordos polos artigos 38 da Lei 7/2007, do 12 de abril, do Estatuto básico do empregado público, e 8 da Lei 55/2003, do 16 de decembro, do Estatuto marco do persoal estatutario dos servizos de saúde.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 27 de xaneiro de 2009.

Antonio José Fernández Paniagua

Director xeral da División de Recursos Humanos

e Desenvolvemento Profesional