No Xulgado do Contencioso-Administrativo número un de Santiago de Compostela tramítase o recurso 599/2008 (procedemento abreviado), interposto por Flora María Miranda Pena, Enrique Márquez Cortizo e Sara Freire Domínguez contra a Resolución do 26 de setembro de 2008, da División de Recursos Humanos e Desenvolvemento Profesional, pola que se fai público o acordo do tribunal que xulga o proceso selectivo para o ingreso na categoría de médico de familia de persoal estatutario do Servizo Galego de Saúde, relativo á baremación definitiva da fase de concurso e á presentación da documentación dos definitivamente seleccionados.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de xaneiro de 2009.

Antonio José Fernández Paniagua

Director xeral da División de Recursos Humanos e Desenvolvemento Profesional