Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: modificado I da L.M.T.S. e C.T.C. r/ Álvarez de Sotomaior-r/ Vila de Negreira.

Situación: Carballo.

Características técnicas: cambio de sección de liña eléctrica de media tensión subterránea (L.M.T.S.) a 15/20 kV, cunha lonxitude de 0,433 km, con condutor tipo R.H.Z.1-2OL-12/20 kV 3(1×240) mm2 Al, con orixe nos empalmes proxectados na L.M.T.S. CBL-806, tramo entre os C.T. Perú 2 e C.T. Mercado (expediente 26226) e final en cela de liña existente en C.T. Mercado.

Liña eléctrica de media tensión subterránea (L.M.T.S.) a 15 kV, cunha lonxitude de 0,301 km, con condutor tipo R.H.Z.1-2OL-12/20 kV 3(1×240) mm2 Al, con orixe na cela da liña existente en C.T. Álvarez Sotomaior, nº 1 e final nos empalmes proxectados en L.M.T.S. CBL-706, tramo entre C.T. Álvarez Sotomaior, nº 1 e C.S. Telefónica, e realizando entrada e saída no C.T. proxectado.

Centro de transformación (C.T.) non prefabricado, de 630 kVA de potencia, e relación de transformación 15/0,4-0,23 kV. Concello de Carballo.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta delegación provincial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outorgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

As instalacións executaranse nun prazo non superior a un ano, contados a partir da data desta resolución.

Contra esta resolución poderase interpoñer recurso de alzada ante o conselleiro de Innovación e Industria no prazo dun mes contado a partir do día seguinte ao da notificación desta resolución; tamén se poderá interpoñer calquera outro recurso que se considere pertinente ao seu dereito.

A Coruña, 8 de xaneiro de 2009.

José Luis Barcia Picos

Delegado provincial da Coruña