Advertido un erro na páxina 598, na publicación do Decreto que se cita no Diario Oficial de Galicia nº 7, do 12 de xaneiro do 2009, cómpre facer a seguinte corrección:
Na disposición adicional primeira, onde di:
«Os postos de traballo comprendidos na relación de postos de traballo da Dirección Xeral de Protección Civil que a seguir se relacionan, e o persoal funcionario e laboral que na data da constitución da Axencia Galega de Emerxencias os ocupase, adscribiranse á axencia tendo dereito a manter a mesma situación administrativa, antigüidade e grao.
Ver referencia pdf "01900D002P006.PDF"
Debe dicir: «De conformidade co establecido no artigo 14 do Decreto 223/2007, do 5 de decembro, polo que se aproba o estatuto da Axencia Galega de Emerxencias, parágrafos b) e c), os postos de traballo comprendidos na relación de postos de traballo da Dirección Xeral de Protección Civil que a seguir se relacionan, e o persoal funcionario que na data de constitución da Axencia Galega de Emerxencias os ocupase, adscribiranse a axencia tendo dereito a manter a mesma situación administrativa, antigüidade e grao.
Ver referencia pdf "01900D002P006.PDF"
Con respecto aos postos de traballo comprendidos na relación de postos de traballo da Dirección Xeral de Protección Civil que a seguir se relacionan, e o persoal laboral que na data de constitución da Axencia Galega de Emerxencias os ocupase, a axencia subrógase na posición de empregador.
Ver referencia pdf "01900D002P006.PDF"