Con data do 26 de novembro de 2008 publicouse no Diario Oficial de Galicia nº 230 o anuncio de licitación para a contratación, por procedemento aberto con valoración de máis dun criterio, do servizo de redacción do Plan Xeral de Ordenación Municipal do Concello do Saviñao.

Con data do 3 de decembro, o Colexio de Enxeñeiros de Camiños, Canles e Portos de Galicia preséntalle ao órgano de contratación alegacións ao punto 11.2 dos pregos, por incluír coa palabra «director» o termo «arquitecto», constrinxindo a libre e igual participación do colectivo que representa.

Con data do 4 de decembro de 2008, en sesión ordinaria, a Xunta de Goberno local acorda estimar as alegacións e eliminar a palabra «arquitecto» vinculada a «director» no punto e epígrafe xa mencionados.

Polo tanto quedan publicados na páxina web do concello no perfil do contratante (www.concellodosavinao.com) os novos pregos de cláusulas administrativas e prescricións técnicas e ábrese un novo prazo de presentación de proposicións de quince días naturais desde o seguinte á última publicación deste anuncio. As proposicións xa presentadas ao abeiro do anuncio no Diario Oficial de Galicia nº 230, do 26 de novembro de 2008, e BOP do 26 de novembro, nº 273, conservaranse e os interesados poderán corrixilas ou melloralas no novo prazo.

Para a análise do cadro de características do contrato remitímonos ao Diario Oficial de Galicia nº 230, do 26 de novembro de 2008, e ao BOP nº 273 da mesma data.

O Saviñao, 9 de decembro de 2008.

Joaquín González González

Alcalde