No Xulgado do Contencioso-Administrativo número tres da Coruña tramítase o recurso 327/2008 (procedemento abreviado), interposto por Mª José Álvarez Sánchez, Mª Isaura Pedreira Vázquez e Mª Sandra Albiñana Pérez, contra a denegación presunta do recurso de reposición interposto contra a Resolución do 7 de maio de 2008, da División de Recursos Humanos e Desenvolvemento Profesional do Servizo Galego de Saúde, pola que se fan públicos os acordos dos tribunais que xulgan o proceso selectivo para o ingreso en determinadas categorías de persoal estatutario do Servizo Galego de Saúde, relativo á baremación definitiva da fase de concurso e á presentación de documentación dos definitivamente seleccionados.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 26 de novembro de 2008.

Antonio José Fernández Paniagua

Director xeral da División de Recursos Humanos

e Desenvolvemento Profesional