De conformidade co disposto no artigo 112 da Lei 58/2003, do 17 de decembro, xeral tributaria, e non sendo posible practicar a notificación dos procedementos que se relacionan no anexo, por causas non imputables á Administración, despois dos intentos de notificación exixidos polo artigo anterior, mediante este anuncio emprázanse os interesados sinalados no anexo para seren notificados por comparecencia dos actos administrativos derivados dos procedementos que se indican.

Os interesados, ou os seus representantes, deberán comparecer no prazo de quince días naturais contados desde o seguinte ao da publicación deste anuncio, na Secretaría da Delegación da Consellería de Economía e Facenda de Lugo, rolda da Muralla 70, 1ª, das 9.00 ás 14.00 horas, de luns a venres; ou ben, se fose o caso, na oficina liquidadora correspondente.

Transcorrido o devandito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.

Lugo, 19 de novembro de 2008.

Gonzalo Vázquez Rivas

Delegado territorial de Lugo

Ver referencia pdf "24700D034P152.PDF"