Eu, María Jesús Hernando Arenas, secretaria xudicial do Xulgado do Social número dous da Coruña, dou fe e testemuño:
En autos seguidos ante este xulgado do social, tramitados baixo o número 148/2007 por instancia de Pedro López Fernández contra a empresa Ricardo Gabriel Sánchez Alonso e outros sobre cantidade, ditouse a seguinte sentenza:
«Na cidade da Coruña o 21 de novembro de 2008.
Jorge Hay Alba, maxistrado xuíz do social número dous desta cidade, viu os presentes autos de xuízo número 148/2007, seguidos por instancia de Pedro López Fernández, maior de idade, representado e asistido polo letrado Felipe Martínez Ramonde, contra a empresa Ricardo Gabriel Sánchez Alonso, que non compareceu nos autos; o INSS representado e asistido pola letrada Belén Guerra Díaz, e a Mutua Cyclops, representada e asistida polo letrado Antonio Fernández Chao, sendo o obxecto da reclamación, cantidade.
Seguen feitos e fundamentos de dereito.
Decido que, estimando en parte a demanda interposta polo demandante Pedro López Fernández contra o INSS, Mutua Cyclops e Ricardo Gabriel Sánchez Alonso, debo condenar e condeno a empresa a aboar á parte demandante o subsidio de I.T. en contía de 722,62 euros, debendo anticipar a prestación Mutual Cyclops, con absolución do INSS.
Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentenza, do que coñecerá, se é o caso, a Sala do Social do Tribunal Superior de Xustiza de Galicia, tal como establece o artigo 188 do texto refundido da lei, aprobado polo Real decreto lexislativo 2/1995, do 7 de abril».
E para que sirva de notificación á empresa Ricardo Gabriel Sánchez Alonso, que ten o seu enderezo descoñecido, mediante a súa publicación no Diario Oficial de Galicia, e coa advertencia de que as seguintes notificacións se farán nos estrados do xulgado, agás as que sexan emprazamentos, autos e sentenzas, expido e asino esta cédula de notificación na Coruña o 21 de novembro de 2008.
A secretaria xudicial
Rubricado