Por Orde do 25 de marzo de 2008 (DOG nº 68, do 9 de abril), a Consellería de Presidencia, Administracións Públicas e Xustiza convocou a XVII edición do Premio Manuel Colmeiro, orientado a distinguir estudos sobre a Administración pública de Galicia.

Vista a proposta formulada por un xurado especial e de conformidade coa base oitava da convocatoria,

RESOLVO:

Primeiro.-Conceder o Premio Manuel Colmeiro, na súa XVII edición ao traballo titulado «Presentación e análise xurídica-penal dun baremo sancionador en materia de ordenación turística», do que resultou ser autor Joaquín Mª San Martín Zamacola.

Segundo.-O importe deste premio aboarase con cargo á dotación prevista na partida 06.80.122B.480.0 dos orzamentos da Escola Galega de Administración Pública para o ano 2008.

Terceiro.-A composición nominal do xurado foi a seguinte:

Presidente: Carlos Suárez-Mira Rodríguez, director da Escola Galega de Administración Pública.

Vogais: Mª Luisa Carcedo Roces, presidenta da Axencia Estatal de Avaliación das Políticas Públicas e a Calidade dos Servizos (Aeval); Juan Gómez Romero, director xeral de Calidade e Avaliación das Políticas Públicas da Consellería de Presidencia, Administracións Públicas e Xustiza; Emilio Francisco Grandío Seoane, profesor titular do Departamento de Historia Contemporánea e de América da Facultade de Xeografía e Historia da Universidade de Santiago de Compostela, e Carlos Martínez-Buján Pérez, conselleiro do Consello Consultivo de Galicia.

Secretaria: Pilar Romero Rodríguez, xefa do Servizo de Estudos, Investigación e Publicacións da Escola Galega de Administración Pública.

Cuarto.-Contra esta resolución, que lle pon fin á vía administrativa, as persoas interesadas poderán interpoñer recurso potestativo de reposición ante o director da Escola Galega de Administración Pública no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999, que modifica a Lei 30/1992, ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 14 de novembro de 2008.

Carlos Suárez-Mira Rodríguez

Director da Escola Galega de Administración Pública