A Lei 9/1995, do 10 de novembro, creou o Consello Consultivo de Galicia como superior órgano consultivo de carácter técnico-xurídico do Goberno de Galicia.

Considerando, por unha banda, o incremento do volume de traballo e a súa complexidade, e por otra a consolidación do dito órgano, estimouse oportuno incrementar o número dos seus efectivos, así como a súa reordenación para adecualo ás necesidades deste momento.

En consecuencia, por proposta do Consello Consultivo de Galicia, consultadas as organizacións sindicais presentes na Mesa Xeral de Negociación da Comunidade Autónoma, o Consello da Xunta de Galicia na súa reunión do día catro de decembro de dous mil oito, adoptou o seguinte

ACORDO:

Primeiro.-Modificar a vixente relación de postos de traballo do Consello Consultivo de Galicia, nos termos que se sinalan no anexo deste acordo.

Segundo.-Ordenar a súa publicación no Diario Oficial de Galicia para efectos da súa entrada en vigor a partir do día seguinte a ela.

Visto o acordo adoptado polo Consello da Xunta de Galicia na súa reunión do catro de decembro de dous mil oito, relativo á modificación da relación de postos de traballo do Consello Consultivo de Galicia, coa finalidade de cumprir o dito acordo, dispoño que se publique no Diario Oficial de Galicia como anexo a esta resolución.

Santiago de Compostela, 11 de decembro de 2008.

María Teresa Conde-Pumpido Tourón

Presidenta do Consello Consultivo de Galicia

Ver referencia pdf "24700D013P058.PDF"