Vistas as solicitudes de subvencións destinadas a asociacións, fundacións e entidades culturais sen ánimo de lucro para o equipamento e mellora dos seus locais, e tendo en conta o cumprimento dos requisitos e trámites establecidos na Lei 9/2007, do 13 de xuño, de subvencións de Galicia; na Lei de réxime financeiro e orzamentario de Galicia, texto refundido aprobado polo Decreto lexislativo 1/1999, do 7 de outubro; no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia; na Lei 38/2003, do 17 de decembro, xeral de subvencións.
Vista a proposta da comisión de valoración prevista no artigo 7.1º da dita Orde do 29 de abril e tendo en conta os criterios sinalados no seu artigo 6.3º
RESOLVO:
Conceder as axudas, sinaladas no anexo, ás asociacións, fundacións e entidades culturais sen ánimo de lucro para o equipamento e mellora dos seus locais con cargo á aplicación orzamentaria 12.02.432B.781.1 dos orzamentos xerais da Comunidade Autónoma de Galicia para o ano 2008.
Os beneficiarios da subvención quedarán obrigados a xustificar a totalidade do orzamento, no prazo dos vinte (20) días hábiles posteriores ao da realización das actividades e, en todo caso, antes do 1 de novembro de 2008, segundo o artigo 9 da orde de convocatoria do 29 de abril de 2008.
Notificarlles aos interesados esta resolución, de acordo co disposto na Lei 30/1992, do 26 de novembro, de réxime xurídico das administracións públicas e do procedemento administrativo común.
Contra esta resolución poderá interpoñerse recurso de reposición ante o mesmo órgano que ditou o acto, no prazo dun mes desde a súa notificación, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo, ante o Tribunal Superior de Xustiza de Galicia, no prazo de dous meses contado desde o día seguinte ao da súa notificación, de conformidade co establecido na Lei 29/1998, reguladora da xurisdición contencioso-administrativa. No caso de optar polo recurso de reposición, non se poderá interpoñer recurso contencioso-administrativo ata que sexa resolto o recurso de reposición.
Santiago de Compostela, 14 de outubro de 2008.
P.D. (Orde 12-1-2007)
Jose Carlos Sierra Rodríguez
Secretario xeral da Consellería de Cultura
e Deporte
Ver referencia pdf "24300D010P095.PDF"
Ver referencia pdf "24300D011P096.PDF"