Cumpridos os trámites que figuran na Orde do 15 de setembro de 2008, Diario Oficial de Galicia do 26 de setembro, pola que se convocan axudas a alumnos e alumnas que vaian iniciar durante o curso 2008-2009 ensino de formación profesional específico de grao medio en familias profesionais non vocacionais demandadas polo mercado laboral.

Vista a proposta de adxudicación das subvencións da Dirección Xeral de Formación Profesional e Ensinanzas Especiais prevista no artigo 6 da citada orde de convocatoria e de conformidade co establecido nela,

RESOLVO:

Artigo 1º

Conceder, con cargo ao concepto orzamentario 09.03.422M.480.1 da Dirección Xeral de Formación Profesional e Ensinanzas Especiais, unha axuda económica por importe de 368,55 euros a cada un dos alumnos que se relacionan no anexo I. O importe total das axudas concedidas é de 149.999,85 euros.

Artigo 2º

Denegar, polos motivos que se indican, as solicitudes que se relacionan no anexo II.

Artigo 3º

De conformidade co artigo 8 da Orde do 15 de setembro, nos quince días naturais seguintes ao da publicación desta orde de concesión das axudas o alumnado deberá presentar no centro educativo a documentación seguinte:

Anexo IV da Orde do 15 de setembro de 2008 (DOG do 26 de setembro), relativo á aceptación previa da subvención concedida e ao compromiso de cumprir os requisitos exixidos na convocatoria.

Así mesmo, ao remate do prazo sinalado o centro educativo remitiralle á Dirección Xeral de Formación Profesional e Ensinanzas Especiais os citados anexos xunto cunha certificación do director conforme os alumnos do centro que figuran como beneficiarios da axuda seguen a avaliación continua polo menos no 70% dos módulos, durante o curso 2008/2009.

De non presentarse a citada documentación no prazo establecido, entenderase que o beneficiario renuncia á axuda concedida, polo que se procederá ao arquivo do expediente.

Artigo 4º

Contra esta orde os interesados poderán interpoñer recurso potestativo de reposición ante a conselleira de Educación e Ordenación Universitaria no prazo dun mes contado a partir do día seguinte ao da súa publicación no Diario Oficial de Galicia, de acordo co disposto nos artigos 116 e 117 da Lei 30/1992, de réxime xurídico das administracións públicas e procedemento administrativo común, ou ben directamente recurso contencioso-administrativo no prazo de dous meses ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, da jurisdición contencioso-administrativa.

Santiago de Compostela, 5 de decembro de 2008.

Laura Sánchez Piñón

Conselleira de Educación e Ordenación Universitaria

Ver referencia pdf "24300D007P067.PDF"

Ver referencia pdf "24300D008P074.PDF"